अभियांत्रिकीतील करिअरच्या संधी

   असंख्य बहुपर्यायी आणि उत्तम करिअरकडे घेऊन जाणारे शिक्षण अभियांत्रिक

चांगल्या पगाराची नोकरी, परदेशात जाण्याची संधी, स्पर्धा परीक्षा, संशोधन, उद्योजकता, तंत्रशिक्षणातील तसेच व्यवस्थापकीय क्षेत्रातील उच्च शिक्षणाचे पर्याय, संरक्षण दलातील संधी अशा असंख्य बहुपर्यायी आणि उत्तम करिअरकडे घेऊन जाणारे शिक्षण अभियांत्रिकीचे आहे.त्यामुळे बारावी सायन्सनंतरचा दर्जेदार पर्याय म्हणून बहुसंख्य विद्यार्थी आजही अभियांत्रिकीची पदवी म्हणजेच बीई/बीटेकचा विचार करतात. सध्याच्या काळात आपल्याकडे इंजिनीअरिंग म्हणजे बीटेक असाच उल्लेख केला जातो, तरीही हे लक्षात घ्यावे की, तत्त्वतः बीई आणि बी-टेक यात तसा काही मोठा फरक नाही.

प्रवेश परीक्षा 

बारावी सायन्सनंतर जेईई मेनद्वारे देशभरातील एनआयटी आणि जेईई अॅडव्हान्सडद्वारे आयआयटीमध्ये प्रवेश मिळतो तर, सीईटीद्वारे महाराष्ट्रातील महाविद्यालयांत. शासकीय महाविद्यालये, विद्यापीठाचा अभियांत्रिकी विभाग, शासनमान्य विनाअनुदानित, खासगी विद्यापीठे, स्वायत्त महाविद्यालये अशी अनेक प्रकारची महाविद्यालये विद्यार्थ्यांना शिक्षणासाठी उपलब्ध असतात. सीईटी परीक्षेत पर्सेन्टाइल पद्धतीने गुण जाहीर केले जातात.